Святого  Капитона, епископа Херсонесского (IV век)  

Епископ, с именем которого связано окончательное торжество христианства в Херсонесе Таврическом (по А. Виноградову – его служение приходится на конец IV века). Согласно древней традиции, его почитание приходилось на день кончины 21 или 22 декабря. В Русской церкви его память отмечается в день Семи епископов Херсонесских 7 (20) марта.

Святой Капитон, фреска Софийского собора, Киев, XI век.

Из акафиста семи епископам Херсонесским

Икос 7

Новаго святителя дарова Церковь Восточная Церкви Херсонстей - Капитона всеславнаго, егоже великою радостию прияша неточию людие правовернии, но и невернии; наипаче же, егда пред всеми сотвори чудо велие, невредимо пребыв во огни и на ризе своей изнес из пламени углие горящее, но не сожигающее. Известившеся о сем чудеси, царь и святии отцы Перваго Собора Вселенскаго прославиша Бога и великое дарование епископа Капитона, людие же, видевшии его, возопиша к своим святителем:

Радуйтеся, велицыи наши и преславнии чудотворцы.
Радуйтеся, имущии веру, ничимже непоколебиму.
Радуйтеся, дерзновенным исповеданием веры Христовой всех удивившии.
Радуйтеся, мужественным страданием за веру Христову всех неверных посрамившии.
Радуйтеся, догматы веры православныя уяснившии.
Радуйтеся, правило веры и образ кротости стаду вашему показавшии.
Радуйтеся, отцы наши всечестнии и личе богокрасный.
Радуйтеся, слово спасения нам возвестившии.
Радуйтеся, на путь правый всех нас наставившии.
Радуйтеся, к любви горней души наша уязвившии.
Радуйтеся, яко вами направляемии, получаем от Христа Бога велию милость.
Радуйтеся, яко вами покрываемии в вечныя кровы вводимся.
Радуйтеся, Священнии Отцы, за Христа кровь свою излиявшии.

 
Кондак 8

Странно бе видети, егда корабль, на немже Капитон святый идяше по нуждам Церкви своей в Царьград, от Херсонеса Таврическаго, схвачен бяше бурею велиею и принесен ко устиям Днепра - к нынешнему Херсону, идеже невернии людие корабль разграбивше, всех бывших на нем умертвиша, а епископа в водах утопиша, вернии же со слезами и рыданием Богу вопияху: Аллилуиа.